Koštica masline - prirodni lijek za želudačnu kiselinu
Da priroda često čuva lijek i tamo gdje ga najmanje očekujemo, potvrđuje i zanimljivo svjedočenje jednog našeg sugrađanina iz Bara, koji je prije više od dvadeset godina potpuno izliječio želudačnu kiselinu – košticama masline.
„Imao sam takvu kiselinu da sam se savijao od bola i nelagode u želucu. Nije bilo dana bez tegoba, a ni noći bez mučnine. Sipao sam u sebe silu sode bikarbone – ali ništa nije pomagalo. Nisam smio ni da pomislim na pivo, a kamoli da popijem jednu šljivovicu – sve bi mi odmah pogoršalo stanje“, priča on.
Spas je pronašao u jednostavnoj, ali upornoj narodnoj terapiji: četrdeset dana zaredom, svakog jutra i večeri, gutao je po deset koštica masline, ukupno dvadeset dnevno. Nijedan dan nije preskočio.
„Već poslije nekoliko dana osjetio sam olakšanje, a kako su sedmice prolazile, bolovi su nestali. Kad sam završio sa četrdeset dana, osjetio sam se kao nov čovjek – više nije bilo kiseline, ni pečenja, ni težine. Od tada, evo već više od dvadeset godina, nemam više ni trunku tog problema.“
Danas, kaže, pije pivo ili šljivovicu kad god mu se prije, uživa u jelu i piću, i sve mu prija kao zdravom čovjeku. „Sad popijem svaki dan, i ništa me ne muči“, dodaje uz osmijeh.
Iako mu se bolest nikada više nije vratila, on i danas, iz čisto preventivnih razloga, zadržava svoj neobični običaj: „Kad god jedem maline, ja uz njih progutam po jednu košticu masline. Tako iz navike, kao podsjetnik na ono što me nekad mučilo.“
Mnogi koji su čuli ovu priču kažu da koštica masline, za razliku od drugih voćnih koštica, ne prolazi netaknuta kroz organizam, već se potpuno razloži u želucu, gdje postepeno oslobađa svoje prirodne materije. Narodno iskustvo tvrdi da upravo tu leži njena moć – da vezuje višak kiseline i smiruje upalu sluznice.
„Samo treba biti uporan i vjerovati“, poručuje naš sagovornik. „Ne valja prekinuti na pola i reći ‘nije tačno, ne pomaže’. Mora da pomogne – ali treba izdržati i vjerovati u lijek koji nam je dala sama priroda.“
Stručna napomena:
Koštica masline sadrži prirodne supstance kao što su oleuropein, flavonoidi, kalcijum i magnezijum, koje imaju antioksidativno i protivupalno djelovanje. Naučna istraživanja ovog fenomena još su ograničena, ali narodno iskustvo pokazuje da se u ovoj drevnoj mediteranskoj biljci zaista krije nešto više nego što se vidi na prvi pogled.
